اتمنى ان اكون هواك

اتمنى اكون هواك
ما تعطيني غير هالقلب و الاشواق
انا و انت ثنائي بهالكون
روحك تودني و روحي تودك
اهواك و اهوى لقاك
و لولا هالبعد كان عرفت كم احبك يا اغلى الناس

مرت الليالي و انا انطرك تحت الغيوم
على احر من الجمر و اقول احبك
يا كل الوجود
ذاب قلبي لما سمع صوتك يقول
وينك حبيبي وينك نصيبي
راح احبك حتى لو احرقو قلبي
راح تبقى صورتك بهاالوجود

لاموني الناس بحبك
و لا مو كل الي يحبك يا غالي
لولا الملامي كان حبيتك لحالي
و كسرت حاجز اللوم بيني و بينهم
و كل ما شفتك في منامي
لعطيك بوسة ما تفارق خيالك

عابر هالطريق بدون رفيق
احلام تجيك بدون حبيب
شوقك يطول كل يوم
قمرك يطل علي و ما ينساني
احبك كلمة تدق في عالمي
لما تجي في منامي تطول الليالي
روحي تطير وروحك تحوم
يا ريتك حبيبي تشوف هالاحلام
ما احب غير عيونك يا السهران تسهر معاي

فوق الهوى مزيون
روحي تودك و انا المجنون
اغار عليك من هالناس
نايم و بالي ما مرتاح
سألتك عن قلبك لمين بيرتاح
قلت ما في راحة غير عيونك
و سلام لك يا عاشق قلبي الولهان

في المرايا حبيبي لا تطيل النظر
خوف كل المرايا من عيونك تذوب
يا ملاك تلبس في ثياب البشر
جيت مثل الصباح و رحت مثل الغروب
سم لا جيت تضحك يا شبيه القمر
بين نارك و بردك موت كل القلوب

دخلت حياتي على غفلة
خليتني غصب اغليك
و لما تأكدت من حبك
ابعدت و خليت قلبي يناديك
ما هو عدل ذا منك
تبعد تخليني اجافيك
ليه المحبة كذا عندك عناد
و قسوة ولا هو طبع فيك

ودك يعود الهوى و لا انت ما ودك
ولا انت غرك حلاك و زود جنونك
الورد باع البستان...وعشق خدك
و الشمس غابت و جات في ضحكة عيونك
خذيت طبع البحر في جزرك و مدك
و الناس مهما خطيت...لازم يزورونك
اموت في طيبك و اموت في ردك
لا ضاق صدري ...و صرت تقول وشلونك

بحبك كلمة لا تفارق بالي
نصنع في حياتنا يالي في بالي
دامت ايامي معك ليالي
بحبك طاب الوجود يا غالي
يسلم هالقلب الي دايم ببالي

طفلة من هو جهلها
يا سمينة و امها اللي بالفضيلة غارستها
اسحرت كل الخلايق و اسحرت حتى اهلها
توقف وكل الكواكب توقف ويبدا غزلها
و ان مشت كن النسايم و السحايب حارستها
كل ما فيها سحرني طيشها ولا خجلها
و التفاتتها و ضحكة ثغرها

سلام ليك من قلب يهواك
يروح و يجي عشان حبك لي
و كل يوم بعيد
ناري تحرق قلبي من بعادك يالحبيب
تامرني بشي قبل الذهاب مثل بوسة مسك الختام

الحب في احساسنا كبير
ما يوصفه حب النظير
ودي اقوله يالحبيب
و يصير عقبه ما يصير
من الجفا عطني سبب

بنت و ذوق من هو قدك ولا مثلك بالمثل
من هو عنده ما عندك من وصال
من عرفتك و السعد يمي وصل
تكفي لا تبخل علينا بالوصال

سميتني زهور عمرك وودنياك
و لقيت بي فرحك و حزنك و خوفك
يا سيدي وش حياتي بلياك
تسلم عيوني دامها هي تشوفك
تحبني ادري حكي لي محياك
رعشة ايدينك و ارتباكه حروفك
يالي الوفا هو اصغر بعض مزاياك
و شلون ما احبك و هذي سواياك
وشلون ما اهديك عمري بكفوفك